رجيم صحى وسهل .. ودي حد يبدأ معاي

[خوخة دبي]

السلام عليكم .. هلا وغلا

عندي رجيم خفيف وسهل ودي حد يجربه معايه لمدة أسبوع
صديقتي تقول نزلت 4 كيلو أول أسبوع ..

صراحه أنا ودي أنزل من 8 إلى 10 كيلو
ياليت حد يشاركنى ونبدأ يوم السبت ونشجع بعض ..

تفضلوا الرجيم حبيباتي ..

الفطور :
1 توست محمص + ملعقه لبنه او بيضه مسلوقه او جبنه + حليب مع شاي

الضحي :
كوب شاي او قهوه

قبل الغداء بنص ساعه :
5 حبات خس + نص ليمون علي كوب ماء

الغداء:
اليوم الاول :- سلطه + روب خالي الدسم + حبه فاكهه
اليوم الثاني :- حبه بطاط مسلوقه او مشويه + قطعه جبن + سلطه
اليوم الثالث :-تونه +سلطه +1 توست
اليوم الرابع:-سمكه كبيره مشويه + سلطة روب بالخيار مع شويه ثوم
اليوم الخامس :- 2 قطعه لحم متوسطه+ تبوله
اليوم السادس:-نصف دجاجه مشويه+فتوش
اليوم السابع:-الاكل اليومي العادي بس بكميات قليله

العشاء :
1خس مع لبنة+2 كيوي
او
2- توست+جبنه او لبنه او بيضه مسلوقه +حليب خالي الدسم

أنتظركم .. وإن شاء الله نبدأ يوم السبت الموافق
18 / 11 / 2006

أختكم في الله : خوخة دبي

[bulbula]

أوكي خوخه نتلاقى السبت 25/11/2006 ان شاء الله لمقارنة النتائج
و الله المستعان و عليه التكلان

[القمزية]

مشكلتي ماقدر عالريجيم


موفجات يالحلوات

[أم سيـــف]

أنا بشترك معاج وبتحمل وبتحمل وبتحمممممل!!! زاد وزني عقب رمضان وطاااارت الرياضه اللي سويتها قبل رمضان بحححححح!!! يبالي عقاب مثل هالريجيم!

[شيما]

موفجات يالحلوات

[شموخ الإمارات]

نفسي اشترك وياكن بس عندي دوام في الجامعه ودوامي اوقاته زففففففت...

ان شاءالله عقب ما اتخرج بسويه ^_^

بالتوفيق الغاليات والله ينولكن اللي تبنه...

[الوفيه]

انـــــا وياكن

[Miss World]

شكله حلو ^_^ بالتوفيق.. و إن شاء الله بالحقكن يوم الأثنين :)

[خوخة دبي]

السلام عليكم .. هلا وغلا .. حياكن الله

أختي : bulbula
حياج الله ويايه .. ومن باجر بنكتب يومياتنا
والله يوقفنا جميع ..


أختي : القمزية
هلاااااااااا .. خلاص ننتظر تشجيعج
وشكراً ع الدعوة الحلوة ..


أختي : أم سيـــف
حياااج الله .. انا مثلج زاد وزني وايد في رمضان
والحين ناويه أخسر الزيادة .. والله كريم ..


أختي : شيمــا
مشكوووووره .. والله يوفج للجميع ..

[خوخة دبي]

السلام عليكم .. هلا وغلا ..

أختي : شموخ الإمارات
ياهلااااااااا .. مشكورة على الرد
والله يوفقلج في الجامعة .. وبنخبرج بالنتايج
عشان تتحمسين وتجربين الرجيم ..


أختي : الوفيه
هلا فيج .. هلا والله
من باجر ننتظر مشاركتج ويانا
وموفقة يارب ..


أختي : MISS WORLD
ياهلا فيج .. ونترياج يوم الأثنين ..


ياهلا فيكم :1 (35):

[روح العيون]

أناااااااااااااااااا بعد اويااااااااااااااااااااكم ان شااااء الله من باااااااااااااااااااااااجر

[خوخة دبي]

أختي : روح العيون
ياهلا فيج .. وحياج الله ويانا ..

أنا بعد إن شاء الله باجر ببدأ
لأن اليوم خواتي تغدوا عندنا ..

موعدنا بارج إن شاء الله وبالتفصيل ..

[الوفيه]

افــــــا مايستوي جي انا بديت اليوم :(

[خوخة دبي]

هلاااااااااا وغلاااااااااااااا
الوفيه

سامحيني مابديت وياج
لكن باجر إن شاء الله ببدأ

ولا تزعلين إن شاء الله تنزلين
أكثر عني :13 (51):

ياهلا فيج ..

[عروس المستقبل]

انا بعد وياكم بنات من اليوم

[خوخة دبي]

السلام عليكم .. وصبحكم الله بالخير


أنا بديت اليوم

:)

[نوارت بوظبي]

وانا وياكن بعد وموفقات يارب ..وانا بعد
بس انا ببدا من اليوم
والله يوفجنا

[bulbula]

خوخه شلونك؟؟؟
أنا بديت من يوم السبت و برغم الخيانات اللي ارتكبتها إلاّ إني نزلت كيلو واحد ....
سمعوني زغروته يا بنات:12 (14):
بس للأمانه ما بفطر و بتعشى الساعه 6 بتوقيتنا

[خوخة دبي]

هلا وغلا bulbula
الحمدلله انا بخير وسهاله .. والأهم ملتزمه
وبعد صلاة العشاء بروح أمشي لو نص ساعة
والله يوفقنا جميع ..

مبروك على الكيلو وإن شاء الله تنزلين
أكثر ...... وأكثر ..

موفقين يارب ..

[بـ ن ـوتة]

موفقات

و ننتظر نتايجكن

[خوخة دبي]

السلام عليكم ..

الحمدلله أول يوم خلص على خير
من غير رياضة .. لكن باجر بمشي إن شاء الله ..

وموفقين جميعاً ..

[خوخة دبي]

السلام عليكم ..

وينكم اليوم .. ليكون قل الحماس
المهم أنا مشيت الصبح نص ساعة على الجهاز
وإن شاء الله مستمره ع الرجيم ..


أنتظركم ..

[الوفيه]

الحمدلله احس ان وزني خف في انتظار النتيجة ....

[خوخة دبي]

السلام عليكم ..

هلا أختي : الوفيه
إن شاء الله ينزل وزنج
وأنا مثلج حاسه أني خفيفه
بس قايله مابشوف وزني إلا عقب أربع أيام ..


وأكيد بخبرج كم نزلت ..

[موضاني]

انا قريت رسالتج بالليل وانا مصممه اسوي رجيم بس انتيسهلتي عليه
لأني افكر كيف الرجيم للي ببدا وانا معاكم من باجر

موضاني

[خوخة دبي]

السلام عليكم

أختي : موضاني
ياهلا فيج .. هلا وغلا ..

حياج الله ويانا وإن شاء الله ينزل وزنج
وتوصلين للوزن المطلوب ..

[روح العيون]

للأسف مااااااااااااااااااااااااااا نفعني الرجيم اليوم اخر يوم فى الاسبوع و ماااا نزلت مع اني مشت على كل حرف فى الرجيم جاااااااااااااااان أنا زعلانة الحين

[bulbula]

أنا نزلت اللي نزلته ووقفت شكله ما يناسبني أنا كمان!!

[خوخة دبي]

روح العيون
هـــلا وغــــلا ..

ليش مانزل وزنج :1 (37):
صراحه وأيد تضايجت ..

لا تزعلين عادي خلاص بنغير الرجيم
باجر طبعا اليوم المفتوح وجمعة مبروكة ع الجميع ..

شو رأيج من يوم السبت نجرب رجيم السوائل
وايد جربوه ونزلوا عليه ..

[خوخة دبي]

أختي : bulbula
هلااااااااااااا فيج ..

أنا نزلت عليه كيلوين ونص
الحمدلله نعمه ..

إذا حابه نجرب رجيم السوائل
ماعندي مانع ..

[غلاي راك]

انا بعدي ما جربت انشاء اللله ببدا من يوم السبت وصح اني مش متينه بس لازم اسوي ريجيم حق العرس

[خوخة دبي]

هلا أختي : غلاي راك

مبرووووووووك مقدماً
وإن شاء الله أنا باجر بشوف وزني كم
وبخبرج كم نزلت ..

بديت من الأحد واليوم الجمعة آخر يوم
يعني 6 أيام .

همسه ..
ياليت تكتبين إن شاء الله بهذي الطريقة
عشان مايتغير المعنى ..

وحياج الله ويانا ..

[bulbula]

أوكي يا عيوني ياريت بس إن شا الله ما يعمل لي تلبك معوي ، نزليه أنا في إنتظارك
و رح أجرب و ان شا الله يزبط هالمره

[خوخة دبي]

السلام عليكم .. وصبحكم الله بالخير

أول شي أبشركم أني في 6 أيام نزلت 2.5 الحمدلله
واليوم بروح عرس أخو صديقيتي إن شاء الله
يعني من الأحد ببدأ رجيم السوائل ومعاي أختي bulbulaوالرجيم يكون عبارة عن سوائل طول اليوم
يعني حليب .. قهوة .. شاي .. عصاير .. شوربة
أنا سمعت عن كثير جربوه ونزل وزنهم .. لكن أختي
جربته بطريقة ثانيه يعني مو كله سوائل لا فيه أكل .. مثلاُ :

الفطور : كوب حليب عديم الدسم بالنسكافيه + 3 تمرات
الضحي : عصير برتقال أو أناناس خالى من السكر
الغدي : شوربة في الخلاط + دايت كولا
العصر : حليب أو شاي
المغرب : عصير أناناس وكيوي
العشاء : روب قليل الدسم

ملاحظة :
مسموح تشربين كل السوائل مثل : الشوربة
العصاير .. الحليب .. القهوة والشاي .. بدون سكر

أنا بجبره بهذي الطريقة يعني في أكل مو كله سوائل
وإن شاء الله ببدأ بكره ويوم الجمعة بكتب النتيجة
وطبعاً بمشي كل يوم نص ساعة أو أكثر والجلو حلو ويساعد ..

همسه :
عزيزتي bulbula .. جربيه يومين وإذا طلع مو مناسب
ياليت تخبريني .. وموفقة يارب ..

وسلامتكم حبيباتي ..

[bulbula]

ان شا الله رح أبدأ من يوم الإثنين و يوم الأربعاء بخبرك شو صار ، مشكوره على الإهتمام و مبروك عليكي ال2كيلو و نص اللي نزلتيهم و ان شا الله تنزلي كمان

[jojo]

السلام عليكم .. تسلمين الغاليه خوخة دبي ع الرجيم .. شوفي انا بدأت جي يعني باجر اليوم الثالث .. اوكي وقست اليوم حصلت اني ناقصه 600 غرام في يومين .. انزين بس ابا اسألج سمعت انه الرجيم مب زين للي في عمري يعني انا مب عوده عمري 14 بس مب عايبني جسمي وابا اضعف .. انا طولي 160 ووزني 56 انزين واباا اوصل الـ 50 لاني عاد لازم احدد جسمي من هالعمر يعني لو كنت دبه هاي بدايه اني يوم بكبر بكون دبه وبعدين بصعوبه بروم انزل وزني .. انزين واروم اشرب عصير طازج برتقال بدون سكر يعني في الفسحه وانا في المدرسه يعني بين الريوق والغدا ..؟

وتسلمين غنااتي

[الانيقة]

السلام عليكم
الاخت خوخة دبي
تعبة كلش من الريجيمات وجاي احس ماكو فايدة لان بس اترك الريجيم ارجع اسمن
ارجو المساعدة

[خوخة دبي]

السلام عليكم
أختي : bulbula

ياهلا فيج .. والله يبارك في عمرج
وإن شاء الله ينزل وزنج ..

أنتظر النتائج الحلوة ..

[خوخة دبي]

أختي : jojo
عليكم السلام .. ياهلا فيج ..

انا بتكلم عن التجارب اللي اشوفها واسمع عنها
أحس ان الرجيم أو التخفيف يساعد الكل .. حتى الصغار
في السن إذا تعودوا على التخفيف هذا بيفيدهم يوم بيكبرون

أنتي استمري لمدة أسبوع وشوفي النتيجة
والعصير الخالى من السكر زين أكيد تقدرين تشربين
أو تاكلين حبة فاكهة ..

[خوخة دبي]

أختي : الانيقة
عليكم السلام .. هلا وغلا ..

كلنا تعبنا من الرجيمات والمفروض الإراده تكون عندج كبيرة
عشان تستمرين وتوصلين لأنه مافي شي أسمه مستحيل ..

بالسبة لوزنج اللي يرجع بعد الرجيم أكيد فيه أسباب
مثلاً : نظامج الغذائي يكون مو صحى أو ماتمارسين الرياضة
إذا تبغين تحافظين على وزنج أهم شي تمارسين الرياضة
3 مرات بالاسبوع وتحافظين على وجباتج الغذائية واهم شي
العشاء يكون خفيف ..

والله يعينج وينزل وزنج بصحة وعافية ..

[الانيقة]

السلام عليكم
الف شكر الك خوخة دبي على هذا الرد
وننتظر منك المزيد

[jojo]

تسلمين الغاليه واليوم اخر يوم لي فالاسبوع من الرجيم لاني بديت الجمعه واستانست لاني نزلت 3 كيلو ^^..

[أم ود!د]

شكله حلوووووووو

موفجات

[نعم]

الله يعين البنات