الاعجــــــــــــــــاب بين الفتيات........ الى أين؟

[ام سيف]

السلام عليكم
اليوم اكتب الموضوع هذا ..وانا ادري بأهميته وخطورته ...
الاعجاب
يمكن البعض يحس انه ما يشكل اي اهميه ..وانه مجرد لعب بنات ...ولكن العكس ..
ظاهره انتشرت بكثره بين البنات ..وخصوصا طالبات المدارس << طبعا انا ما اعمم اقول البعض وما حد يقدر ينكر ...وخاصة بين المدرسات والطالبات ..............
يمكن بداية الظاهره كانت بسيطه وغير ملاحظه ..او انها ما كانت تأثر بأشي ...بس مع تطور الزمن لاحظنا ان البنات بدن يتمادن وخصوصا مع قلة الرقابه في المدارس ...
لاحظت انا..تصرفات غريبه من البنات ... وخاصة يوم اكون مشاركه بمعارض المدارس...مثال:
* وحده من طالبات حضرت المعرض وهي مضايقه وتخبرها صديقتها وتقولها: ما عليج منها احقريها فسالتها شو السالفه ليش عينج محمره قالت لي وهي تصيح :
قالت والله ((حبيبتي!!!!)).......(اسم البنت) تمشي ويا البنت الثانيه .....بما معناه غيره ...

* مرت عليه وحده قولوا ريال هب بنت طبعا المشيه غير ولابسه كاب وساعة رجاليه ونعال (الله يعزكم) فارس رجالي والشعر بوي طبعا المهم مرت صوبي وشافت البنات يلعبون بالمكياج وقالت لها وحده تعالي بحطلج روج ولا انت ما تحط روج(اترمسها على اساس انه ولد مو بنت) ردت عليهم وقالت هالمكياج للبنات هب لي انا........

* صديقتي كانت مشاركة بملابس اطفال مرت عليها وحده من المدرسات وماسكه ايدها طالبه فاسمع الابله تقول للبنت اختاري شو تبيني اهديج ردت عليها الطالبه فديتج والله انتي كريمة وانا استاهل ولا تنسين هديتج بتوصلج باجر البيت ........


الموضوع يا خوات اكبر من مجرد اعجاب صدقوني تصرفات شاذه ما بينهن تكون لا حيا ولا مستحى ...
من القهر مسكت وحدها وقلتلها ليش اتسوين هالشي شو ناقصنج ربي ان شالله بيرزقج بولد الحلال خلصي دراستك ردت عليه وقالت لي انا مرتاحه لاني احب بنت على الاقل احسن من الولد اللي بيفضحني وما بيخلي حد يعرف انا منو ..............
قهر والله قهر ....................

الموضوع ما ينسكت يباله توعيه من الاهل والطالبات والمدرسات

خبرونيالله يخليكم شو اسباب هالظاهره وكيف انحلها


ولي رجعه بقصص البويات بالامارات مول والقرية العالمية

اختكم ام سيف

[أم أحمدومحمد]

هالمشكله أزليه..

بس ما عليه البنت بتكبر وتعقل ...

بس الطامه الكبرى إذا المُدرسه نفسها كانت معاهم على نفس الحاله

المفروض كل مدرسه تفهم البنات وتخبرهم عن خطر التشبه بالرجال بالكلمه الطيبه

والبركه في التلفزيون إلي يعلمهم كل منكر!!

[شروووق]

والله انها مشكله منتشره بشكل ما تتخيلونه في المدارس والجامعات
الواحد يخاف على خواته وبناته من هالاشكاال
وكل اعتمادنا على التربيه في البيت لن المدرسه بصراحه ضايع دورها
الله يستر علينا واخوانا المسلمين

[سندريلا]

صدقج اختي في بعض البناات امصخااتنها ويا المساات ... بس ما انقوول غير الله يهديهن ويكوون حبهن لله وفالله

[شوق دبي]

انا بصراااحه ... احس هاااااذي البنيه فيها عقده او شي..

[Mountain]

هذي المشكلة صارت وباء ينتشر في كل مدارسنا وجامعاتنا وخصوصا مدارسنا والعلاقات اللي تنشا بين مربيات الاجيال وبين الطالبات؟؟؟ للاسف صارن مخربات الاجيال بعد ما كانن القدوة الحسنة في كل مكان وكل زمان. انا بصراحة من تخرجت من المدرسة من سنة 99 ما دخلتها ابدا من اللي قمت اسمعها عن السمعة الاكثر من رائعة عن المدرسات والبنات. كل ابله حاضنتلها طالبة وماشية وياها مع العلم انه قد يكون فارق السن 5 او 6 او 10 سنوات او اكثر ياليت المربيات يرجعن لعقولهن قبل فوات الاوان وقبل لا نقول ياليت اللي صار ما كان. مع احترامي لكل المدرسات المحترمات والعاقلات

[الدلوعه]

الحمد الله والشكر

اله يهديهم ان شاء الله

[ساميه]

هالظاهره منتشره عدنا والاسباب كثيره

والعلاج

طبعا تدخل الاهل ::::::::: اول شي

ولازم ادارات المدارس يطلبون الاهالي اللي بناتهم على هالشاكله وينبهونهم :: والا المشكله عقب بتزيد وما بيكون لها حل

:::::::

انا مثلا يوم اسير اييب بنتي من المدرسه اشوف لبنيات يتباوسن جدام الرياييل يمكن ست او اقل ما اذكر وسمعت وحده تزقر بنتي ::: قلت الها تعرفينهم قالت من صفنا قلت الها ليش يتحابون جيه برع جدام لارياييل ما يعرفون انه عيب قالت دوم جيه حتى الصبح بعد و اونهم الظهر يودعون بعض :::::: وقلت لبنتي اتحملي اسوين شراتهم لنه عيب ومنقود :: قالت هم زعلانين عليها لانها ما ترضى اتسوي مثلهم !!

:::::::::::::

الله المستعان

[بنت الامارات]

هذي المشكلة صارت وباء ينتشر في كل مدارسنا وجامعاتنا وخصوصا مدارسنا والعلاقات اللي تنشا بين مربيات الاجيال وبين الطالبات؟؟؟ للاسف صارن مخربات الاجيال بعد ما كانن القدوة الحسنة في كل مكان وكل زمان. انا بصراحة من تخرجت من المدرسة من سنة 99 ما دخلتها ابدا من اللي قمت اسمعها عن السمعة الاكثر من رائعة عن المدرسات والبنات. كل ابله حاضنتلها طالبة وماشية وياها مع العلم انه قد يكون فارق السن 5 او 6 او 10 سنوات او اكثر ياليت المربيات يرجعن لعقولهن قبل فوات الاوان وقبل لا نقول ياليت اللي صار ما كان. مع احترامي لكل المدرسات المحترمات والعاقلات

بعد ما طحتي في المدرسات وعممتي كلامج قلتي مع احترامي لكل المدرسات المحترمات والعاقلات !!!؟؟؟ انا بصفتي مدرسة ولي خبره في مجال التدريس ما شفت اللي قلتيه عن المدرسات ولا سمعت الا من بعض القصص في النت .. ويمكن انتي سمعتي عن مدرسة او اكثر فلا تعممين هالشي ..

اما عن ظاهرة الاعجاب فالسبب الأول والرئيسي يرجع الى ضعف الوازع الديني والفراغ العاطفي وعدم اهتمام الاسرة لهذه الطالبة .. وقد مرت علي حالات وقصص كثيرة جدا من الاعجاب بين الطالبات او اعجاب الطالبة بالمعلمة .. وآخر حالة مرت علي اعجاب طالبة بمعلمة والمعلمة تصد هذه الطالبة لأنها لا تريد ان تحبها الطالبة الى هذه الدرجة ولكن الطالبة عندما تصدها معلمتها تحاول الانتحار وجاءت صديقتها واخبرتني بذلك !!! فجاء دوري في النصائح لهذه الطالبة والجلوس معها بعض الاوقات وكذلك زميلتي بدأت تفهمها واستدعيت والدتها حتى تحن على ابنتها اكثر .. وتحاول الان الطالبة الى الان والله يهديها ..

وطبعا دور رئيسي للمدرسة واالبيت في محاولة منع هذه الظاهره فنحن في المدرسة لا نخلو من التحدث عنها دائما ومحاضرات وغيره ونسأل الله تعالى الهداية ..

[رعبوبة العين]

شو تبييييين أقوووولج شو تبييين اخللي ياما رمسنا وياما قلنا >> والله شوفي السالفه فيها غفلة الاهل والمدارس >>لو تشووفين ف الكليه شو صاير عدنا لووووووووووووووووووعة جبد تبين أقوول ولا اسكت ابرك لي >> شووو اقووول >>أقوولج ذااك اليوم انا سايره كوفي مع ربيعاتي إللي ف الكليه المهم اشوفلج هنتين من البنات يتبادلن العصير هذي تشرب من عصيرها والثانيه تشرب من العصير الثاني ويبتبادلن والمصيبه أنه هو نفس نوعية العصير وكل وحده أطالع الثانيه وانا مناك ناقعه من الضحك ومناك جزيت من هالشيء شو هالخبال
وإللي تمسك خصر ربيعتها والثانيه نفس الشي لو تشوفثينهن كيف يمشن لا حول ولا قوة
شو اقوولج اشياء غريبه عجيبه عدنا وعند المدارس بعد >>> تعالي يوم المدارس أذكر وحده م المعلمات معجبه من طالبه >> انزين لو تشوفينها كل يوم المعلمه تظهر الطالبه من الصف>> وكل يوم يمشن ف الفسحه والطالبه تتريا المعلمه كل صبح
انا مااقولج حبوبه انا كنت اسير عند المعلمات اسير مكاتبهن ساعات اشل شنطهن اونه بس عشان اظهر من الكلاس ساعات يوم اكون ملانه اشل ربيعاتي واسير المعلمه ونيلس نسوالف معاها وتخبرنا عن طفولتها ف المدرسه او ساعات تسوي محاظرات دينيه يعني حلو الواحد يكون تألف مع معلمته بس ما توصل إللي الاعجاب والزعل بين المعلمه والطالبه
تعرفين انا يوم كنت ف فتره الاعداديه كنت شوي اميل إللي الذكور يعني مب شكلي ولد كنت اناقز والعب شراتهم ويوم كنت العب السوني كنت اختار سي دي الكور او السياير وكنت العب مع خواني يعني انا شوي تأثرت فيهم كنت احب اسوي شراتهم بس ما انعجب ف البنات واسوي حركات لان أمي كانت دووم تنبهني وحتى خواتي الكبار لكن من كبرت الحمد الله خاز عني الطيش هذا بس هيه فتره وجيزه لكن المشكله يوم انه يكون معاج لين تكبرين واحب اخبرج ان البنات يدرن أنه هذا غلط لان نحنا ف زمن الثوره يعني حتى اليهال يعرفون عن هالشي بس يشوفونه بطووووووووووله تعرفين شو يعني بطوله >> والصراحه كل واحد عنده عقل >>ومثل ما يقولون عقله ف راسه يعرف خلاصه
السموحه منج طولت علييج وقلت قصة حياتي ماشاء الله لوووووووول
أختج رعبوبة العين

[الدلع العيناوي]

عمرج طووووويل من فتره وانا يالسه اجهز موضوع بس كنت انبش عن قصص وتبين الصدق لاعت جبدي....من كثرما سمعت وشفت والله يالسه اقول فنفسي وين الغلط ؟؟؟فالأهل او المدرسه او البنت اوووو؟؟؟
ع طاري سوالف حبيني واحبج اذكر وحده كانت ويانا فثانويه اكبر مني كانت تحب معلمه هههه دبه وشينه والمعلمه تموووت فالبنت فالفسحه يتمشن ويا بعض وبينهن تلفونات وطلعات ووووو شو بعد وايد والله ما اذكر بس صدق شكل المعلمه يبين ان فراسها شي يعني مب طبيعيه وعفكره اخت هاي المعلمه معلمة دين بس غريبه ما كانت تنصح اختهاااا...الا ع طاري معلمات الدين اوووه والله وحده بس من اللي درسني من كنت صغيره لين كبرت هي اللي كانت تنصحنا وتقولنا تحجبن عيب يظهر شعركن جدام الريايل ولا تلبسن ضيج ولا تتعدلن والبنت مثل الجوهره الله الله على ذيج الاياااام وما اقول غير الله يطول فعمرها...
(((لا انكر وجود البقيه اللي صدق الواحد يفتخر فيهن لأنهن حريصات على التربيه قبل التعليم)))

بس تعتقدون كم عدد المعلمات فمدارسنا اللي ينصحن البنات اظن ينعدن ع الاصابع الا من رحم ربي..
لأن البعض ماله خلق ويشوفون ان الوحده كيفها تسوي اللي تباه واغلبهن يديدات ع المهنه يعني صغار في السن يمكن يكونن من النوعيه اللي ممكن تنجذب للبنات وسوالف احبج وابله انتي وااايد كشخه والخخخخ...
(((لا انكر وجود البقيه اللي صدق الواحد يفتخر فيهن لأنهن حريصات على التربيه قبل التعليم)))

نرد حق موضوع البنات المسترجلات(البويات) الظاهره مب منتشره فالمدارس بس لا فالكليات والجامعات وكل مكان فيه تجمع جنس حواء لأن كل وحده يايه من بيئه وتربيه معينه وافكار ما تعرفون من وين ييبتنها فتلقون سوالف الحب والغيره منتشره وعلاقات وخرابيط ألها اول مالها اخر...لا وما يقهرونج الا هالبويات ووووع يلوعون بالجبد شينات غصب بستوي صبي رضيتو والا انرضيتو وياليته راكب عليها تخشن صوتها وتلبس مثل شباب واوقات ممكن دوخ وترقم وتواعد حبيبتها وعادي ممكن تحصلونهم يمشون حاضنين بعض او يتباوسن جدام الخلق....وحركات قرعه:1 (37): :1 (37):

انا احس ان المسؤليه تتحملها كل من الاسره والمدرسه والبنت بعد...لان المغريات وايده وطريج الانزلاق والسقوط فالحرام اصبح سهل والغرب ما قصرو يبون يخلونا أمه ضعيفه مفككه مليانه مشاكل وبلاوي....
** فالأفضل إناااا نوقف أيد وحده كأهل وكمدارس وننصح عيالنا ونقوي وازعهم الديني ونفتح عقولهم ونعلمهم الصح من الغلط...لأن الكل مسؤل عن حالات فلتان بعض البنات والشباب...

النصيحه هي افضل الحلول قبل لا يطيح الفاس بالراس....مثلكم عارف العيال مسؤليه فحافظو عليهااا...
لقوله _صلى الله عليه وسلم_(كلكم راع وكلكم مسؤل عن رعيته)

أشكرج على هذا الطرح....اذا تذكرت قصص اكييد بتكون لي رجعه للموضوع...يزاج الله خير...
والسمووحه